Sugunda...
mudjer parida di onzi fidju
mudjer bolombolu
mudjer ki ka ta bedju
mudjer ku naturéza di kabalu
Sugunda...
mudjer kurason di leoa
ki pa si fidjus é kapás di korta korrenti
ta luta ku sol ta luta ku lua
ki si ka rendi é ta pega ku denti
Sugunda...
mudjer ki lambuxa na penedu
karega da na txon, fazi karós di kuskús
pa bu odja mé ka ten medu
ai kem ki ki mexi na si karada, kredu en krus
Sugunda...
fuska-fuska ka dal kudadu
silensiu txada
ka fadigal nen ka dal medu
Sugunda...
mudjer ti kaba na nada
ki mórri sen ten nada.
Postar um comentário