DENILSON VEIGA FUJI MAS Ê PEGADU ES SESTA-FERA NA OEIRAS....
Ê rekonhesedu na rua 2 dia dipos di ê ter asasinadu a fakada si tia Janilsa Amado dentu di un apartamentu na São Marcos, na konselhu di Sintra, undi es ta moraba djuntu ku marido di Janilsa y ses fidju di 3 anu .. Na mumentu di krimi mininu ku marido de Janilsa ka stába na kaza , mas inda es kontra Denilson diskontroladu ku 2 faka na mó ta dixi na skada ... Antis di fuji Denilson inda tenta agridi marido di Janilsa ki bai refújia ku mininu na kaza di vizinhos.
Tudu kel li kontisi kuarta-fera 17 di Julho y kuandu polisia rabenta porta pa entra es diskubri un verdaderu senario di terror: Na txon stába un faka ku txeu vidru kebradu y na kuartu es diskubri Janilsa kubertu di sangi ku ferimentus di faka na txeu parti di korpu ... Janilsa inda stába ku algun sinal di vida mas ê kába pa morri inda dentu di si kaza. ... Ê tinha so 27 anu d’idadi enkuantu si sobrinho ki matal tinha 20.
Motivu di es krimi inda ka sabedu sertu sertu, mas ê podi sta relasionadu ku konsumu di droga di parti di Denilson ki ê referensiadu pa polisia komu un konsumidor abitual na via publika. Ê ben prendedu es sesta-fera kuandu ê staba ta anda nun rua di Bacarena, na Oeiras. Na altura ê ka tinha ninhun dukumentu di identifikason mas ê foi logu rekonhesedu y lebadu pa eskuadra. Di akordu ku polisia es joven cabo-verdiano sta na Portugal desdi 2016 mas nes mumentu si karton di rezidénsia sta kadukadu. Fonte:ok
Postar um comentário