Três di palmanhan
Pé discalso na simentadu
Bafu di rasekadu
Odju pa tetu di tedja fradu
Ta pidi Deus pa lebal pa trazel ku vida e ku kel pon pa fidju
Um grogu pa brinda ku lua xeia
E um cigarro pa da coraju na caminhada ti ponta areia
Ku farnel xeio e armason na bolsa de sacu tevé
Ta bôia si boti ku fé mé ta volta na maré
Pontal dedo modjadu na águ mar é fazi sinal di Cristo
Ta pidi calmaria di maré e di sprito
E ki cada isca na mar um ta mori na bóia
Pa fidju podi sta farto na ora di bai scola
Pa ka ben traça o mesmo destinu disumola
Ta bai ta ratxa águ rosto pa canal
Sol dja soma la riba sengal
El ki si cumpadri tilopi mondodo na proa di boti
Águ bibu ta xicota mas ki xicoti di homi di bigodi
Brisa na rosto disgastado pa munti lutas bistido di kapa
Na um imensidon tamanhu ki ka tem cau pega
Sol di meio dia ratxado na cabeça
Águ ta disprinda na barba branco xeio di graça
Pa mas um dia ganhadu rosto pa casa
Popa dentu d'águ és soma la farol
Pexeras ku sés faca180 dentu bolso ventral
Ta sumara remata kel bom atum ki kuazi rinca de anzol
Di kes pobres homis ki tanto passa mal
Postar um comentário