Rito Decarvalho: Grupo pó Di terra tè inda sta fazi "show"?Se sim ki tempo nhos ta bem merca?
AL: Primeiro n ta começapa agradece nhos pa criação de Tarrafal Vinti Um, nhos sta de parabéns. Nês momento li nu ca sta fazi show divido a separação de alguns minis pa motivo de força maior és teve que abandona pais e manti um grupo a mas alto nível e ta exige tcheu esforço e dedicação, merca ta ficano difícil pelo menos na próximos 2 ano.
Magui Monteiro: kuzé k sta passa cu pó di terra e kual é os próximosobjetivos do mesmo? Um abraço a todos.
AL: Po di Terra sta normal, nu sta ku 10 ano de tcheu trabadjo é natural ki tem um tempo de reflecção ate porquê n’ta pensa ma Po diTerra da passo mas grande ki si perna, nos próximo trabadjo ta ser gravação deum cd/dvd ao vivo e tudo esforçota ba ser feto pa reuni base pa kel projeto la.
Maura Ferreira: Tanto participantes de grupo pó di terra e jogadores nhos sta influencia jovens para estudos e pa odja outros meios de subsistência?
AL: Claro keli e maior saída pa juventude e não so n ta pensa me um pouco de keli ki sta passa cu po di terra e na Tarrafal tem pouco saída e tcheu vez medjores saída sta fora de concelho e de pais keli ta leba sociedade a desvalorização e perda de valores cultural e na futuro talves fidjus de Tarrafal pode sta mas djuntado li pa construcao de nos querido concelho.
Perdigotodinos Tarrafal: mode k sta funciona kel casa de cultura dePo-de-Terra, tem atividades frequente la dento?
é ta sta aberto diario ou so oras k tem algo tipo reunião ou ensaio de grupo?
AL: Casa de cultura e um projeto ki Ministério de Cultura cria mas infelizmente de tudo kes casa de cultura ki abri na CV nenhum inda ca funciona, centro cultural Pó di Terra ta sta aberto so de cedo pamode problema financeira ate porque dja nu adquire alguns instrumentos musicais pa um projeto que é criação de escola de musica, mas n’ta acredita ma na próximos tempo ma talvez ku novo alguém frente ta tem continuidade de projeto sabendo que estrutura de Pó di Terra sta montado pa si auto sustentação.
Celino James Almeida: excelente mi k da kel palpite pa entrevista Amandio Lopes... bon mi nta fase un pergunta a nivel de clube Real Junior nha clube de Coraçon na CV... bon mi nta gostaba de odja Real junior na topo de futebol de interrior de santigo e nao so... nte cre odja Real junior na canpionato nacional como representante de santigo Norte... Nha pergunte é si nhu teni algun projeto de atrai jogadores de grande categoria e esperencia a nivel Regional pa forma un ekipa maduru pa compite regional ku maior gara e txiga canpionato Nacional conpitison mas grande a nivel nacional de clube? Força Real Junior de ChãoBom...
AL: N ta aproveita pa agradece bu interesse pa nha entrevista, objetivo de real júnior foi sempre luta pa lugar importante na campeonato mas infelizmente Tarrafal sata passa pa momentos menos bom em termos de jogadores devido saídas frequentes de jovens valores pa fora de concelho e pais e desde ki ta sirbi pa melhoria de condições de ses vida e ses família n ta atcha e um bom aposta.
Sergio Varela: Claro é um pessoa qui da grandi contribuiçon pa enriquecimento di cultura na nos concelho é foi um pessoa qui sempri estive prisente e disponivel pa tarrafal. Continua ta da quel qui bu tem pa Tarrafal.
AL: Obrigado n’ta acredita man fazi apenas kel que é dever de qualquer cidadão que é fazi algo pa desenvolvimento de si concelho ou comunidade, mas n atcha ma nha tempo dja sta bom me ora de otus jovens da si contribuição pa nos concelho.
Jailson Soares: Antes de mais n’ta felicitou pa o ku tem estado ta fase pa Tarrafal. Depois de tanto fúria na inicio de carreira de po de terra kuze ki sta passa ki nhos ca lança mas CD /DVD na mercado e já agora grupo modi ki sta?Pmd ki Real goci ca sta desputa pa topo , sera k falta de apoio.. Abraços
AL: N ta agradeceu pa comentário n’ca ta acredita ma di Pó di Terra foi apenas fúria, Pó di Terra revoluciona batuko na cabo verde ate inda n’ta acredita ma Po di Terra e de kes maior agrupamento de pais, nes momento alguns minis sta fora pa motivo de força maior por isso nu ca sta grava otu cd e dvd mas maiores projeto de Po di Terra foi conseguido que foi primeiro agrupamento na cabo verde que grava um dvd,construção de um centro cultural multifuncional cu recursos próprio e grava 2 cd, fazi digressão pa quasi tudo ilha de cv e 1 digressão internacional e tcheu trabadjo na espaçode 10 ano e pa mi cu tudo sinceridade Pó di Terra e um património de cabo verde.
Real junior sempre luta pa midjor lugar na campeonato mas kel sistema di campeonato ki nu teni li e complicado nês momento li nu sta cu algum dificuldade cu atletas mesmo na concelho e dipos tem tcheu custo.
Kátia Semedo: Boa tarde. antes dimas nta elogial pa se esforço ke fase durante tudo es tempo li e um d kés melhor k fase é labanta batucu d tchom k dja staba praticamente parrado e isso ta sirvi nao só pa tarrafal mas sim pa Cabo verde em geral, e mas um vez parabéns pa bu prazer k bu tem na contribui pa nos tarrafalense. cumprimento. Agora é nhas perguntas: equipa «Real Junior» é federado? Pó de terra sta parrado ou tem nova geração?
AL: Obrigada pá elogio katia n ta acredita ma maioria de Tarrafalenses tem orgulho na si Tarrafal e qualquer oportunidade ki parci mês ta fazi algo paTarrafal, mi n fasi nha parte manhan é otu ki ta fazi si parte pa midjor de nos concelho e tudo alguém e útil. Sim equipa de Real Junior e federado desde de 2002, e é tem participado na campeonato cu regularidade e cu resultado bastante positivo e quanto a novo geração de Pó di Terra talvez minis enquanto dono de grupo dipos de nha saída pode ser um solução que ta depende de sés objetivo.
José Andulo: Anho como um homem ki ta luta sempre pa tchom bom e pa Tarrafal pamodi ki nhu decha popularidade di Po di Terra morre de 1hora pa outro, sabendo ki Po de terra leba nos cultura la fora e es foi sempre bem acolhido ???? Abraços
AL: Obrigado pa pergunta mas n cre fla ma Pó di Terra ca morri, morte e um cusa iterno pa bu informação Po di Terra sta xintado dento si raiz, um centro cultural construído de raiz único na pais Po di Terra imortaliza si propi nome n ta acredita ma dias melhores sta pa bem.
Katiza Pó Di Terra: ami ncre pergunta amandio k dia ké sta manda buscan de vez..
AL: Oi katiza antes de tudo n ta agradeceu pa tudo momentos ki nu partilha na Pó diTerra, bo é nha orgulho keli e um kusa delicado pamode alguém hora ki sta maior de idade primero e tem ki djobi midjor pa si futuro si ta dependia di mi é claro, manhã n’ ta ba buscaba bo mas infelizmente desejo ca poder mas nu sta djunto katiza .
Paulo Jorge Soares: Prezado Amigo Amândio, antes de deixar aqui as minhas perguntas, que vão para além do Grupo Pó di Terra e do meu Clube Real Júnior,digo-lhe que é com uma enorme satisfação que lhe dedico estas minhas singelas palavras. Foste, és e certamente continuarás a ser o defensor não só das causas do, e no Tarrafal mas também dos ditos ''mais fracos''. Testemunhei !Conhecemos-nos praticamente desde que eu me lembro da minha existência,''Amândio d'Abel'', defendeste o Andebol, o Basquetebol, o Voleibol, o Futebol, enfim defendeste o Desporto no Tarrafal em particular em Chão Bom. Defendeste aTabanka, o Associativismo, o Voluntariado... Defendeste Tarrafal em muitos sítios, onde em alguns estive consigo e orgulho-me disso. Hoje não sei se é reconhecido tudo aquilo que fizeste e tens feito para o Concelho em várias áreas, se não devíamos nós os Tarrafalenses em pensar nisso, o seu reconhecimento, isto porque que me lembro não recordo de nenhum Tarrafalense que tenha defendido Tarrafal como tens defendido. Por agora está é a minha Homenagem. Muito Obrigado!
Entrando nas minhas perguntas:
1 - Como Fundador e''Gestor'' de um dos Melhores Grupos de Batuco ''revolucionária'', como te sentes?2 - Muitos dizem sobre o término do Grupo Pó di Terra, é verdade? Se sim o que levou a este triste acontecimento?3 - Amândio, como filho de um dos, se não o mais sonante nome de Chão Bom, ABEL, qual é a homenagem merecida e justa que poderá ser feito ao seu pai, por tudo aquilo que ele foi, principalmente para a população de Chão Bom, em particular para os IDOSOS e CRIANÇAS, durante anos que ele disponibilizou a sua casa para serviços de enfermarias/curativos, e o auxílio que ele dava todos os sábados aos idosos?4 - O Grupo Pó diTerra fez com o Batuco o mesmo que o Grupo Ferro Gaita fez com o Funána (NovaVida). O quê que faltou ao seu grupo a dar um ''VOO'' maior internacionalmente? 5 - O que falta no Tarrafal, ou melhor ainda, acreditas que Tarrafal caso ocorresse uma vitória do PAICV nas Eleições Autárquicas de 2008 hoje estaria melhor?6 - O tal atraso no desenvolvimento do Tarrafal, que alguns Tarrafalenses dizem, achas que tem aver com o facto de o Partido que sustenta o Governo é o PAICV, que contrário daquele que sustenta a Câmara Municipal do Tarrafal? 7 - Dam noba nha tchombom nha broda!
AL: Sinceramente n ‘ fica sem palavra frente de tantos elogios obrigado Palinho. oras ki bu ta luta pa causa tao nobre bu ca mesti spera recompensa , pam entra concretamente na bus pergunta, como fundador e gestor de Pó di Terra nta xinte orgulhoso de ter participado na construção de um grupo que ta ultrapassa ses fundador e si concelho pe ser um património de cabo verde, acredito que depois de muitos anos de muito trabadjo e normal ki tem um paragem, e separação de minis també sta na base de kel paragi li mas Po di Terra ta consigui da volta pamode Po di Terra dexa de ser pessoas pa ser um património nacional, n’ta acredita ma Pó di Terra bem revoluciona batuko na cabo verde sim, e dipos de um novo stilo de fazi batuko odja quantidade de bons valores na batuko ki parci pa tudo cabo verde quanto a internacionalização de Po di Terra ou batuko, n’cre fla ma inda batuko ca ta dado tanto importância sima as vezes nu podi pensa ,so pan da um exemplo cache de um grupo de batuko na cabo verde nunca passa 20.000$00 incluindo transporte e alimentação e keli e na caso raro pamode maior parte é de graça por isso sem recursos financeiro ca e possível sta a mas alto nível e bu ca tem otu meio oras ki bo édi fora, pamode tem tcheu discriminação por isso n’cre conclui cu um muito obrigado pa nos Tarrafal unido.
n’cre aproveita já agora pam agradece tudo kenha ki di um manera ou otu contribui pa sucesso de Po di Terra ta começa pa kes mãe de tudo minis que integra kel projecto li particularmente n’ta agradece “Chindoca ,Maria Titoi, Camila” ki foi sempre nha braço direito ,Sara e site tarrafafalnazona bem haja o meu kerido concelho que soube acolher o magnífico Projeto.
Pa termina n taagradece Tarrafal Vinti Um pa entrevista e cria espaço pa Tarrafalenses discutee expoe ses ideas e projectos futuros sobretudo na camada jovem .
Amandio Lopes
On: Tarrafal 21
Postar um comentário