Un albun musica ka txiga-m diklaro-u
O mil y un istrofis pan elojio-u
Mas ku es sinplis palabras
Nkre mostro-u ma mi n ta amo-u
Djan bira moli tipu jelatina
Nha kurason dja bira ta patina
Nka sabi sin sa sunha o alusina
N-sta bobu ta suri mi só
Kada pasu kin da surizu ta iskapa-m
Di jetu ku ta fala korpu ta rapia-m
N sta radianti
Tipu sol N sa brilia
Ben ser nha dosi ligria
Kada palavra di bo
É strofi pa nhas poizia
Y mutivu pan rima
Bu belesa ka ta kebi nun tela
Bu surizu mas brilianti ki strela
N-kre faseu nha sindirela
Beleza tipu ké majia
Jetu d'un rainha
Bo é kel mas pura berdiana
É na bu ladu kin kre konxi séu
Dan un xansi N fase-u ser diméu
Y asi pan provou man meresé-u
Postar um comentário